Пред два дена, пред влезот на сопствената зграда наводно бил нападнат со шлаканици и градоначалникот на општина Аеродром Златко Марин, според очевидци, од негов сопартиец на кого не му ги исполнил ветувањата
„ ЕКСКЛУЗИВНО! Пред неколку дена поради неисполнети ветувања Градоначалникот Златко Марин бил шамаран од негов сопартиец, случката се одвивала пред зградата во која моментално живее Градоначалникот, а целиот настан го гледале во живо неколку соседи.“ – велат жителите на Аеродром на социјалните мрежи, во групата „Аеродром во моето срце“ која ја користат како место за пријавување на проблемите во нивната општина.
На прашање на „Инфомакс“, МВР не можеше да го потврди настанот, бидејќи кај нив нема пристигнато пријава за ваков настан.
Градоначалникот, за жал, не успеавме да го добиеме за изјава.
