Општина Карпош и градоначалник Стевчо Јакимовски демантираат дека секретарот на општината поднел оставка. Тие информираат дека со престанувањето на мандатот на градоначалникот на општината, престанува и мандатот на секретарот, по што тој се вратил на старото работно место.
Во соопштението од Општина Карпош се вели дека градоначалникот го именува секретарот на општината од редовите на раководните административни структури.
„Според тоа, не станува збор за никаква оставка, ниту пак Законот за административни службеници познава термин „оставка“ туку распоредување на работно место кое претходно го имал секретарот, пред да биде именуван на функцијата секретар на општината“, наведува општина Карпош.
Градоначалникот на Општина Карпош, Стевчо Јакимовски во изјавата за медиумите го потврди истото.