Коалициониот партнер на Зоран Заев, Зијадин Села ќе ја има клучната улога во донесувањето на одлуките на владата. Владата на Зоран Заев нема да зависи само од Али Ахмети, туку и од Села доколку се земе во предвид дека БЕСА не сака да биде во иста Влада со ДУИ, тогаш сосема е извесно дека освен законите кои се важни за Албанците, за се друго БЕСА ќе биде класична опозиција.
Владата на Заев ќе има 62 пратеника, 49 на СДСМ, 10 на ДУИ и три на Села. Без него нема да има мнозинство за постоење на влада. Кога би биле ВМРО-ДПМНЕ оние кои би формирале влада, истата би зависела само од ДУИ, бидејќи ВМРО-ДПМНЕ има 51 пратеник и ДУИ 10 што се вкупно 61 пратеник колку што е минимум за мнозинство за влада.
Владата на Заев би постоела само додека Села е задоволен од постапките на Заев и СДСМ. Ова значи дека владата ќе зависи од Села, а дополнително може само да се замисли што Заев постојано ќе треба да испорачува за Села да не ја сруши Владата и премиерот. Заев уште сега нема храброст да му се спротивстави на Села плашејќи се дека ќе му ја откаже поддршката, а уште помалку тогаш. Македонија во влада на СДСМ ќе зависи токму од Села. Јавноста веќе е запознаена дека ниту Заев ниту СДСМ досега немаат излезено со осуда за антимакедонските изјави и ставови кои ги има Села. Македонија и иднината на граѓаните ќе зависат од расположението на политичарот кој не ги признава македонската химна и знаме и за кој македонски идентитет не постои.
Со вакви услови сите граѓани ќе чекаат што ќе каже и одлучи за сите нас Села.
Коалициониот партнер на Заев ќе одлучува за реформите во судството, користењето на јазикот, за албанскиот и македонскиот јазик. Села ќе одлучува за името и идентитетот на Македонците, а ќе биде и клучен во одредувањето на висината на даноците, за земјоделските субвенции, за буџетот на Република Македонија, мигрантите, здравството, образованието, социјалната помош, градинките, платите, пензиите.
Тоа ќе биде Република Македонија – Села. Со оглед на фактот дека Заев е подготвен да прифати се само за да биде премиер може само да се претпостави до каде ќе оди прифаќањето на желбите на Села.
