Се открива дека постоел човек кој секојдневното движење на Аркан и на неговото семејство го планирал до најситен детал и од тој план не се отстапувало.
Жељко Ражнатовиќ Аркан со години беше опкружен со луѓе од доверба, кои се грижеа за неговата безбедност, но кога повеќето од нив беа отстранети по налог на српските државни структури и на српското подземје, околу шефот на Српската доброволна гарда останаа најобични аматери и такви што само му си умилкуваа, што во 2000-тата година го чинеше живот.
Овие информации се наведени во документите на странски безбедносни служби, по убиството на Аркан.
– Намерно, еден по еден, ги отстрануваа најблиските пријатели и соработници на Аркан, за да го ослабат него. Наместо искрени пријатели, се појавуваа луѓе кои му ласкаа, а што бегаа кога му е тешко. Но, најлошо беше кај обезбедувањето, бидејќи тука одеднаш почнаа да стигнуваат луѓе без искуство и без чувство за опасност. Сите тие го уверуваа Аркан дека е безбеден и дека нема зошто да се грижи. Сето тоа кај него предизвика лажно чувство за сигурност, се опушти…Таквиот однос на луѓето околу него, доведе до негово убиство во хотелот „Интерконтинентал“ – стои во документите.
Наведено е и дека со години пред тоа, Аркан имаше силно обезбедување од 20-30 лица. Се открива дека постоел човек кој секојдневното движење на Аркан и на неговото семејство го планирал до најситен детал и од тој план не се отстапувало.
