По грешка или технички проблеми УЕФА случајно го објави победникот на Лигата на шампионите, оваа сезона, односно предвреме за победник го прогласи англискиот тим Ливерпул на нивната веб-страница.
Победникот беше најавен три недели пред Реал Мадрид и Ливерпул да се соочат во финалето на 26 мај во Киев, Украина.
На веб-страницата беше објавено победник во “Сезоната 2017/18” и официјалното лого на Ливерпул. “Победник” беше напишано веднаш под името на Ливерпул.
Иако грешката беше брзо утврдена, корисниците на Твитер направија скриншот од фотографијата на веб-страницата и ја објавија на интернет.
Претходно, уште еден гаф се случи кога Рома ги рекламираше влезниците за натпреварот со Ливерпул, и покрај тоа што имињата на два клуба сеуште не беа извлечени во ждрепката.
Ливерпул стигна до финалето со резултат од 7-6 во полуфиналето против Рома.
