По целомесечен молк во врска со најавите за дислокација, односно отстранување на споменикот на Александар Македонски на Плоштадот Македонија, Владата вечерва реагираше на официјалниот Твитер профил
„На Плоштадот во Скопје не се планирани ниту се преземаат било какви физички зафати за отстранување споменици. Секоја друга поинаква информација е лажна вест.“ – велат од Владата на Р.Македонија на Твитер.
На Плоштадот во Скопје не се планирани ниту се преземаат било какви физички зафати за отстранување споменици. Секоја друга поинаква информација е лажна вест.
— Влада на Македонија (@VladaMK) March 21, 2018
Ваквата реакција сепак наиде на големо неверување кај корисниците на социјалната мрежа, кои на објавата коментираа дека досега безброј пати излажале.
Други пак сметаат дека ова е само обид за спин на ситуацијата, и обид да се убедат луѓето да си одат дома, а во меѓувреме да се пристапи кон отстранување на споменикот.
Во текот на попладневните часови и вечерва, голем број на граѓани се упатија на плоштадот Македонија, со цел како што велат да чуваат „мртва стража“ на споменикот. Дел од нив објавија и снимки од собирот.