Откако девојка преку фејсбук ја раскажа приказната за Кемал кој вчера несебично им помагал на насобраните семејства и роднини пред болницата 8 Септември со тоа што им делел топли чајчиња, вода и храна и повика вечерва сите да помогнеме, се јави и самиот Кемал.
Вели тој не бил вистинскиот херој, вистинските херои се жителите на Ласкарци кои излегле веднаш и несебично им помогнале на сите во автобусот, па со тоа cпасиле и многу животи.
„Правите херои се жителите на Ласкарци
Драги мои сограѓани, ви благодарам за поддршката што ми ја давате, сакам да напоменам дека моментално пред болницата се наоѓаат околу 30-тина роднини и пријатели на повредените, така што нема потреба за храна, вода или било што, роднините доаѓаат во смени и се пред болница, а покасно се во ходникот во самата болница поради студеното време“ – напиша Кемал на фејсбук.
