Бил и Мелинда Гејтс, двајцата дел од групата највлијателни филантропи во светот, објавија дека ќе се разведуваат, пренесува „Њујорк Тајмс“.
Двојката се профилираше како водечка во глобалната војна против КОВИД19, преку финансирање на различните испитувања за ефикасни лекови и нова вакцина. Разводот, анализира „Њујорк Тајмс“, ќе предизвика земјотрес во светот на бизнисот и јавното здравје.
Разделбата на двојката Гејтс, отвара и прашање за судбината на богатството на семејството, кое се уште не е донирано во „Фондацијата на Бил и Мелинда Гејтс“. Бил Гејтс, ко-основач на Мајкрософт, е еден од најбогатите луѓе во светот, а вреди околу 124 милијарди долари, според Форбс
„По долго размислување и труд околу нашата врска, донесовме одлука да го прекинеме нашиот брак“, вели двојката во објава на Твитер акаунтот на Бил Гејтс.
— Bill Gates (@BillGates) May 3, 2021
