СЗО: “Европа ќe бидe пoгoдeнa oд тpeт бpaн нa кopoнaвиpyc нa пoчeтoкoт нa 2021 гoдинa”

Поврзано

- Advertisement -
- Advertisement -

Светската здравствена организација стравува дека Европа може да се соочи со трет бран на коронавирус на почетокот на 2021 година поради нецелосниот одговор на пандемијата.

Дејвид Набаро, специјален претставник на СЗО, за швајцарски весник изјави дека владите во Европа ја пропуштиле шансата да ја изградат потребната инфраструктура во текот на летните месеци, откако го ставија првиот бран под контрола.

„Сега имаме уште еден бран. Доколку не ја изградат потребната инфраструктура, третиот бран ќе го имаме на почетокот на следната година“, предупреди Набаро.

Иако веста за успехот на вакцините за коронавируси е охрабрувачка, Европа сè уште се бори со друг бран што предизвика огромен број на инфекции и повторно доведе до стотици смртни случаи дневно во најголемите економии на Западна Европа.

Набаро изрази загриженост за потегот на Швајцарија да дозволи скијање – со задолжителни маски во жичниците – додека другите алпски земји како Австрија ги затворија одморалиштата, пренесува „Дејли мејл“.

Тој предупреди дека Швајцарија може да достигне „многу високо ниво на болест и смрт“.

„Треба да почекате додека не паднат бројките и да останат ниски. Реакцијата на Европа беше нецелосна“, заклучи тој.

Тој го пофали одговорот на азиските земји, како што е Јужна Кореја, каде стапките на инфекции се релативно ниски.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This