Минатата недела, повеќе од 2,1 милиони луѓе во европскиот регион се заразиле со коронавирус, а повеќе од 28.000 починале, според Светската здравствена организација (СЗО). За седум дена, бројот на нови инфекции во регионот се зголеми за осум отсто, а смртните случаи за пет отсто, додека во светот инциденцата се зголеми за шест отсто, а бројот на смртни случаи за еден отсто.
Во текот на неделата од 8 до 14 ноември, имаше растечки тренд на бројот на нови инфекции ширум светот: регистрирани се повеќе од 3,3 милиони случаи, што е за шест отсто повеќе од претходната недела, објави СЗО во својот билтен за пандемии. Бројот на смртни случаи во светот е зголемен за еден отсто на речиси 50.000, при што Европскиот регион на СЗО регистрира зголемување на бројот на жртви од инфекцијата за пет отсто.
Регионот учествува со 64 отсто од инфекциите (2.145.966) и 57 отсто од смртните случаи (28.304) во седумте дена.
Според податоците во билтенот, во периодот од 8 до 14 ноември се заразиле 3.446.517 лица, а починале 49.584 лица. Соединетите држави објавија најголем број заразени во текот на неделата (550.684). Следуваат Русија (275.579) и Германија (254.436).
