Во точно 6.58 утрината на 11 Септември земјотрес со јачина од 3.9 степени ги разбуди Скопјани.
Според неофицијалните податоци на Европскиот онлајн центар за сеизмолошка активост се работи за земјотрес на длабочина од 5 километри, со епицентар Скопје, поточно во погодените места од поплавите. Епицентарот се наоѓа на еден километар југозападно од Црешево во близина на Смилковци.
Според мапата на интензитет се работи за релативно силен земјотрес, кој не може да предизвика поголеми штети освен паника кај граѓаните.
Претходно во јавноста постоеа дебати дека катаклизмичните поплави не значи дека би можеле да направат поголем проблем или промени во сеизмолошката активност во и околу поплавените подрачја, бидејќи како што истакнаа тогаш поголем дел од експертите се работи за вода која се движи во горните делови на земјината кора.
Според сеизмолошкиот радар, се работи за земјотрес со епицентар токму во поплавените подрачја, иако истиот е релативно плиток, на само 5 километри длабочина.
Јачината е 3.9 степени.
