Министрите и премиерот ја ставија власта во служба на партијата, обвинува кандидатот за претседател на Република Македонија, Гордана Силјановска Давкова во гостување во централниот дневник на Сител телевизија.
-Технологијата на владеењето на оваа власт особено јасно манифесирана за време на референдумот исто така исплаши дел од граѓаните и тие не излегоа на избори зошто јасно ни е нас како се однесуваат со државната и јавната администрација, само да дадам еден пример непознат феномен е за време на кампања за претседателски избори да учествуваат министерка за одбрана, министер за внатрешни работи, па и премиер, така тие ја прегазија линијата помеѓу државата и партијата или партијата ја направија држава, или на крајот тоа би значело држава тоа сум јас кога е премиерот во прашање, вели таа.
Таа и за време на кампањата во првиот круг од претседателските избори пред граѓаните изјавуваше дека премиерот и министрите имаат јавни функции и дека не треба да присуствуваат на собири бидејќи според изборниот законик тоа е недозволиво.
