Странци не смеат да учествуваат во кампањата за референдумот согласно Виенската Конвенција и македонската изборна регулатива. Според професорката Гордана Силјановска, учеството на Европската Комисија во кампањата за претстојниот референдум е целосно спротивна на македонските закони, но и на меѓународните конвенции.
– Во кампањата чувме дека ќе се вклучи и Европската Комисија. Како што е забрането финансирање однадвор на избори, истото важи и за референдуми. Тоа не само што е спротивно со Виенската Конвенција туку и со македонската изборна регулатива – изјави професорката Гордана Силјановска Давкова во емисијата „Отворено“ на Алфа тв.
И Венецијанската Комисија вели дека употребата на јавните фондови за финансирање на кампањата мора да биде забранета – Венецијанскиот Кодекс не дозволува влијание во кампањата и користење на државниот буџет иако од Владата велат дека препораките се почитувале, а министрите ќе биле активно вклучени поради стратешката цел на државата.
https://www.facebook.com/iNFOMAX.mk/videos/1339771609492733/
Во врска со ова аналитичарите веќе некое време предупредуваат – стратешката цел на Македонија за влез во ЕУ и НАТО се користи како изговор за злоупотреба на правото на јавните функционери, а во моментот се користела правна празнина за исполнување на одредена цел.
– Ако евентуално постои закон кој овозможува владата да користи буџетски средства за свои реклами , не значи дека Владата треба таа своја законска можност да ја користи по секоја цена и не на ваков начин – рече професорот Љубомир Цуцуловски.
Според професорот Димитар Апасиев пак, користењето на пари од буџетот за кампања претставува кривично дело. Тој кажа дека ДИК не смеела да зема улога на законодавец и да донесува правилници за спроведување на правна празнина со којашто против законито и против сите референдумски практики се фаворизира одредена гарнитура и под закана за кривична одговорност да се даваат јавни пари за финансирање на кампањата.