Кандидатот за претседател, Гордана Силјановска Давкова на својот фејсбук профил вели дека нејзиниот тим се луѓе кои ги обединува љубовта кон татковината.
–Јас, за разлика од Стево, немам штаб. Немам луѓе што како војници извршуваат партиски наредби, со надеж дека ако ја завршат добро работата ќе добијат од партија вработување, унапредување или место во некој управен одбор. Имам тим од луѓе кои ги обединува љубовта кон татковината и желбата да се воспостави владеење на правото. Дел се блиски до ВМРО-ДПМНЕ, дел често ги критикувале нивните политики. Но, сите се мотивирани со идејата нашата земја да оди напред и водени од граѓанската должност да дадат свој придонес кон создавање на општество што ќе почива на основите на правото и правдата, ова го напиша кандидатот на ВМРО-ДПМНЕ за претседател, Гордана Силјановска Давкова.
