Барслелона сруши серија на рекорди кои долго време ќе останат недостижни во шпанскиот фудбал и во ривалството на „Ел Класико“ ривалите. Вечерва со голот на Ракитиќ, Каталонците славеа со 0-1 на теренот на лутиот ривал, што е втора победа во една недела за екипата на Ернесто Валверде.
Баскискиот стручњак оствари четири врзани победи на теренот на „кралевите“, што исто така е рекорд во меѓусебните дуели. Сепак, најдрага статистичка категорија за фановите на Барса е меѓусебниот скор на двата големи ривали.
Барселона од вечерва има предност во меѓусебните дуели и поведе со 96-95 во едновековното ривалство на двата клуба. По 87 години Реал Мадрид остамна без „круна“ и не е повеќе доминантен во меѓусебните дуели.
Кога ќе се соберат само првенствените натпревари, тука билансот е целосно израмнет, но вклучувајќи ги Куп, Суперкуп и европските натпревари, Барса има една победа повеќе.