March 28, 2024, 10:02 am

Симовски згрешил, па се извини: На пописот сепак ќе можат роднините да го кажат јазикот и етничката припадност на печалбарите

Поврзано

- Advertisement -
- Advertisement -

Директорот на Државниот завод за статистика (ДЗС), Апостол Симовски, изјави дека згрешил кога рекол дека етничката припадност и мајчиниот јазик на пописот ќе можат да се декларираат само лично, а не и во име на друг член на семејството.

Овој став за „360 степени“ го даде во интервју за сторија во која ја отворивме дилемата – која пописна категорија обезбедува етнички права – жителите на земјата или сите државјани?

На оваа изјава на Симовски претходеа спротиставени ставови меѓу него и заменик-директорот на ДЗС, Иљми Селами.

„Да, имавме некои несогласувања, веројатно и погрешни изјави, пред се, од моја страна. Жал ми е и се извинувам што ја доведов јавноста во некоја заблуда. Законот пишува многу добро, членот 8 тоа го дефинира, не специфицира кој, така да мора да го почитуваме законот во тој дел.

Неговата првична изјава, дека роднините не можат да ги дадат белезите како јазик и етничка припадност за печалбарите, Симовски вели дека ја дал со цел да ја мотивира дијаспората сама да се попише. Таквата опција ќе биде возможна електронски, почнувајќи од 1 март 2021 година.

Симовски сега објаснува дека според членот 8 од Законот за попис, кој предвидува дека за државјаните на земјава кои се во странство податоци дава полнолетно лице на кого најмногу му се познати, при што го дава својот ЕМБГ и ЕМБГ на лицето за кое дава податоци во пописот, нема ограничување за тоа кои податоци може да се дадат.

Заменик-директорот, Иљми Селами, претходно ја бранеше истата позиција, повикувајќи се на истиот член на Законот за попис.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This