March 28, 2024, 12:25 pm

СИНОТ ДА НЕ И СЕ ЧЕПКА: Синот на Мира Стојчевска нема да даде отказ, останува во ЕЛЕМ!

Поврзано

- Advertisement -
- Advertisement -

Пратеничката од СДСМ, Мира Стојчевска попладнево преку соопштение извести дека нејзиниот сопруг ќе се откаже од унапредувањето во командир на Шумската полиција во Делчево, а нејзиниот брат ќе се откаже од работното место во РЕК Битола, пишува порталот faktor.mk

Поради обвинувањата за непотизам, тaa се огласи на Фејсбук. Вели дека ги следела реакциите и дека се залага за еднакви можности за сите.

Пишува дека откако е пратеник, а и претходно ниту влијаела, ниту пак имала намера да интервенира за вработување на член на семејството или некој близок роднина.

„Тоа е спротивно на моите принципи и етички критериуми. Сепак сакам јавно да соопштам дека мојот сопруг Ило Стојчевски, кој во Шумска полиција – Сектор Делчево при Министерството за земјоделство, шумарство и водостопанство, како заменик – командир работи од 1998 година, уште на 14. 02. 2019 година побара да биде отповикано временото овластување со кое привремено беше назначен за командир на Шумската полиција – Делчево. Иако не сум имала никакво влијание во неговото овластување за командир на шумската полиција – Делчево, следејќи ги моите, но и неговите принципи за отчетност пред граѓаните, мојот сопруг, независно од неговото долгогодишно искуство одлучи да се врати на старата позиција заменик-командир во Шумската полиција – Сектор Делчево. Исто така, сакам да информирам дека и мојот брат Целе Велевски, кој преку Агенција за привремени вработувања беше ангажиран на определен период од пет месеци во РЕК Битола, се откажа од ангажманот. Иако мојот брат сам одлучува за својата иднина и за иднината на неговото семејство, а неговиот ангажман беше легален, легитимен и во ниту еден случај не беше поврзан со одредена политичка партија, тој реши да се откаже од овој привремен ангажман поради неоснованите сомнежи дека јас сум имала некакво влијание при неговото ангажирање, што целосно не е точно“, пишува Стојчевска.

Премиерот Зоран Заев повика роднините на функционерите да се повлечат од функциите. Рече дека секој има морална одговорност. Дел од роднините на кадрите на СДСМ се повлекоа.

Извор: faktor.mk

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This