Освен најавениот протест кој треба да се одржи на 27-ми февруари со почеток пред седиштето на мисијата на ЕУ во Македонија, а оттаму ќе продолжи со марш до Собранието на Р.Македонија, најавени се и голем број на протести во дијаспората
Неколку десетици протести во различна организација, како и бројни иницијативи меѓу кои и онаа која предизвика најголемо медиумско влијание, а беше потпишана од 200 македонски интелектуалци го одбележуваат почетокот на излевањето на чувството и фрустрацијата кај народот од потезите на оваа влада предводена од Зоран Заев, и начинот на кој ги води преговорите со Грција во спорот со името.
„ Наша света обврска е: Македонија да ја предадеме на идните генерации со истото име што го наследивме, а тоа е името – МАКЕДОНИЈА! Македонија не смее повеќе да си дозволи понижување од Грција!
Доколку политичарите од власта и опозицијата се оглушат на овие укажувања, треба да имаат предвид дека ќе се соочат со ненасилен отпор и дека ќе бидат запаметени поради нивната недржавничка, капитулантска и предавничка улога од идните генерации Македонци, стои во апелот на 200 македонски интелектуалци.“ – велат организаторите на протестите.
Вторник, 27ми февруар 2018г. во 18 часот-СКОПЈЕ, Масовен протест пред Мисијата на Европската Унија до Собрание на Р. Македонија. На 3ти и 4ти март 2018г.. протести ќе се одржат во следните градови низ целиот свет:
