Беззаконието во Македонија продолжува, финансиската полиција ги објави снимките од апсењето на ексдиректорот на СОЗР, Васе Доневски. Прашањето останува како провладиниот портал А1 ОН дојде до снимките од апсењето на ексдиректорот на СОЗР, Васе Доневски!?
Материјал од ваков вид е доверлив и на ниеден начин не би смеел да дојде во рацете на медиумите. Ова уште ја потврдува целта на неговото апсење односно очајнички обид за сензационалност и дефокусирање на јавноста од антидржавните политики на СДСМ. Неговото апсење се случи само еден ден по изгласувањето на законот за јазиците.
Политичкиот прогон во Македонија стана секојдневие, а македонскиот безбедносен систем е пред колапс. Во Македонија има упад во безбедносниот систем од страна на СДСМ, а се започна со незаконски снимените материјали за високи функционери на СДСМ. Само една недела пред објавувањето на овие снимки имаше уште еден упад во системот кога близок соработник на Оливер Спасовски и негов личен советник одаде државна тајна. Уште тогаш беше нејасно како неговиот советник довил информации кои не се во негова надлежност, односно информации против кои се водат посебни истражни мерки. Постои сомнеж дека овие информации ги има и Оливер Спасовски нешто што воопшто не е негова ингеренција. Посебните истражни мерки се спроведуваат по наредба на обвинителството, а ги спроведува УБК.
