Големиот христијански празник Св. Архангел Михаил вчера беше одбележан и во домот на семејството Ангелови, а почесен гостин на прославата беше и министерот за култура Роберт Алаѓозовски кој отпатува во Штип специјално за прославата на празникот на покана на Стојанче и Јасминка Ангелови
Куќната слава на семејството Ангелови вчера беше „збогатена“ и со присуството на министерот за култура Роберт Алаѓозовски, кој специјално отпатува во Штип на покана на Стојанче и Јасминка Ангелови.
Алаѓозоски на приватната прослава пристигна со службеното возило на министерството за култура и уште едно возило обезбедување. Секако, на државна сметка, од парите кои владата со зголемените акцизи и даноци ги зема од граѓаните.
Искомплексираноста на кадрите на СДС од 12-годишната опозициска сага, сега се манифестира преку расипништво и прекумерно трошење на народните пари, додека министрите и директорите поставени од Заев уживаат патувајќи низ светот во прва класа, или пак со службените автомобили.
Како тоа да не е доволно, министрите како Шеќеринска за својот кабинет си нарачуваат и бадеми, фстаци, жестоки пијалоци, морска храна, а сето тоа го финансира буџетот кој оваа година ќе се полни преку зголемените даноци, зголемената акциза, задолжувањето од 1 милијарда евра и намалените субвенции.
