Претседателот на Русија, Владимир Путин верува дека неговата конференција за печат може да помогне тој да ги пренесе своите ставови и ставовите на руската влада за важните прашања до милиони луѓе.
Путин по своето годишно обраќање до новинарите ѝ дал кратко интервју на 17-годишната Реџина Парпиева и со тоа ѝ го исполнил сонот, пренесува “TASS”.
Рускиот претседател одговорил на неколку прашања, вклучувајќи и како станал претседател, дали е тешка работата и што ќе посака во Новата година. На прашањето дали е уморен, Путин ѝ одговорил на Реџина дека разговорите со новинари како неа му даваат дополнителна сила за работа.
★ Il 5 dicembre in un forum di volontariato, Vladimir #Putin ha promesso a #ReginaParpiyeva – una ragazza cieca di 17 anni – di aiutarla a realizzare il suo sogno, quello di diventare giornalista. Ha detto che avrebbe chiesto a #RT… https://t.co/KdJ6IWvBdn pic.twitter.com/XVBL2IBjMC
— Алессио Бруно (@AlessioK47) December 20, 2018
Путин кратко одговорил и на прашањето што ќе посака за Нова година: “Мојата желба е едноставна – сите желби да се исполнат”.
Претседателот ѝ кажал на Реџина и дека смета дека Русите и другите народи кои живеат во Руската федерација се најважен темел за нивната земја. Кон почетокот на декември, рускиот претседател го посети Форумот на волонтери, а во таа прилика волонтерите го запознаа Путин со проектот “Сонувај со мене” кој ги исполнува желбите на тешко болните деца.
Меѓу желбите била и онаа на Реџина Парпиева која сакала да стане новинар и да направи интервју со некој интересен соговорник.
Извор:tocka.com.mk