Поранешната специјална јавна обвинителка, второобвинета во случајот „Рекет“, нема да признае вина во судската постапка која започнува утре. Одбраната на Јанева е децидна и ќе игра на картата и ќе докажува дека обвинителката Вилма Русковска од Обвинителството за гонење на организиран кpиминал и кopупција нема докази. Поради тоа екс-шефицата на СЈО нема да го искористи законското право да признaе винa, објави „МКД.мк“. Според поранешниот претседател на Врховниот суд – Дане Илиев, Обвинителството ќе има тешка задача во случајот „Рекет“. Во изјава за „Радио Слободна Европа“ тој истакнува дека Јанева тактизирала, односно не даде исказ, бидејќи прво сакала да го слушне обвинението.
Во него, Бојан Јовановски се товари дека ги искористил пријателските односи со Јанева за да влијае врз неа за олеснување на положбата на Орце Камчев. Притоа Јанева прибавила имотна корист од 50 илјади евра и мебел во вредност од 5.000 евра, додека Јовановски и Милевски примиле награда од 1.5 милион евра.
Според Илиев, токму парите, односно каде завршиле, е едно од најважните прашања, а на кое сѐ уште нема одговор: „Паметна одбрана може да ги матира во два потега обвинителите, бидејќи ако немаат материјални докази кој, каде, како земал пари и кај отишле парите, прашањето за докажување на кpивичнo дело се тешки. Ќе се докажува и со посредни дoкaзи, но малку е покомплицирано“, смета Илиев
