Според најновите информации, 79 лица загинаа во пожарите што ја погодија областа околу Атина, а спасувачките тимови продолжија да трагаат по исчезнатите во изгорените домови и автомобили.
Повеќе од 280 пожарникари остануваат во североисточниот дел на Атина и во областа Рафина, каде што преостанатите пламени се разгоруваат, објави АП.
Уште 200 пожарникари, поддржани од хеликоптери, се борат со оган западно од Атина, во близина на Агио Теодори, село во кое локалните власти превентивно ги евакуираа граѓаните.
Засега нема официјални податоци за тоа колку луѓе исчезнале, но се претпоставува дека бројката е околу 200 лица.
Во меѓувреме, направено е видео кое со дрон се гледа како изгледаат куќите.
Знамињата ширум Грција се на половина копје, а премиерот Алексис Ципрас прогласи три дневна жалост во земјата.
Пожарите што се разгореа во понеделникот вечерта ги изненадија жителите на источна Атика, поради што бројот на жртви е висок.
“Ние не го видовме оган, тој се појави одеднаш. Дуваше силен ветер, ние не сфативме што се случува “, вели еден жител, кој вели дека се спасил со тоа што со неговата сопруга се заклучиле во куќата наместо да се обидуваат да се пробијат низ пламенот.
Според него, тие најверојатно се спасиле, бидејќи нивните биле метални, дрвени, и бидејќи држеле влажен пешкир над устата и носот.
