Сопругата на екс-министерот за транспорт и врски на својот ФБ профил се огласи по повод, како што вели „политичкиот лнч“ кој се води против нејзиниот сопруг, Миле Јанакиески
Сања Јанакиеска го повика судот да одговори на следните прашања:
„Политички линч, наместо правда!
Апелациониот суд е должен да одговори:
1. Дали ги пронајдоа сметките на Миле Јанакиески во странство? Каде се тие сметки?
2.Кој ја зборува вистината анонимниот извор на УБК или Претседателот на РМ г-дин Ѓорге Иванов?
3.Кога и каде мистериозниот посредник имал средби со Претседателот Иванов и со Миле Јанакиески?
4.Кој ќе одговара за прекршување на повеќе закони во Република Македонија и Европската конвенција за човекови права и носењето на одлуки спротивни на праксата на Европскиот суд за човекови права?
5. Судот не смее да биде инструмент за одмазда, донесете го Груевски и самот нека одговара за неговото бегство, а не заради него во притвор да лежат недолжни луѓе!“ – пишува сопругата на Јанакиески, Сања на својот ФБ профил.
