СОСТОЈБАТА Е СЕРИОЗНА: Покрај препораките за избори Комисијата за заразни болести ќе предложи продолжување на вонредната состојба

- Advertisement -

Комисијата за заразни болести ќе и предложи на Владата продолжување на вонредната состојба во пресрет на најавената седница на Советот за национална безбедност, што е закажана кај претседателот на државата Стево Пендаровски.

За предлогот на Комисијата ќе треба да се изјасни Владата, но засега е неизвесно кога ќе одлучува за ова. А, од нејзината одлука, пак, ќе зависи и одлуката на шефот на државата дали ќе има продолжување на вонредната состојба и во крајна линија одредувањето на датумот за парламентарните избори.