Освен пропагандна кампања која ќе чини милиони евра, власта започна и со закани преку социјалните мрежи да ги убедува граѓаните да излезат на претстојниот референдум за промена на државното име
Зоран Димовски, еден од најактивните „фејсбукџии“, прокламиран активист на СДСМ, минатата недела на својот ФБ профил напиша дека ако не успеел референдумот, со „палки“ ќе го превоспитувале народот.
Јасна е паниката кај властодршците од се поголемиот отпор кај граѓаните и експоненционалниот раст на движењето #Бојкотирам, па владејачката партија не бира начини и средства да го заплаши народот, да купи гласови и да го фингира референдумскиот исход за промена на државното име.