СПАСОВСКИ: Ако Груевски беше во притвор немаше ова да се случи

- Advertisement -

Mинистерот за внатрешни работи, Оливер Спасовски вечерва во Само вистина на Канал 5 изјави дека околу 16 часот, од неговиот колега во Унгарија му е потврдено дека поранешниот премиер, Никола Груевски е во Унгарија.

Спасовски рече дека е изненаден од постапките на судот, иако вели не сака да ги коментира, но според него, ако Груевски беше во притвор немаше ова да се случи.

„Сериозно мора да се посветат на овие процеси од судот и обвинителството“, изјави Спасовски.

Како се случило бегството, Спасовски рече дека не можат да споделат со јавноста засега. Но, на ниту еден премин нема поминато лицето Никола Груевски. Според него, тоа укажува дека поминал на илегални премини.