Македонскиот министер за внатрешни работи Оливер Спасовски денеска потврди дека пратениците кои гласале за уставните измени се под постојана закана. Тој уверува дека МВР ќе ги заштити сите кои се во опасност.
Сите оние пратеници кои изгласаа поддршка за промена на Уставот, се обезбедувани, откако беше направена безбедносна проценка за нив, истакна министерот за внатрешни работи, Оливер Спасовски.
Имено, Спасовски потренцира дека пратениците се соочуваат со закани преку Фејсбук и останатите социјални мрежи, не само кон нив, туку и кон нивните семејства.
„Направивме безбедносна проценка на пратениците, претежно оние кои гласаа за отпочнување на процесот на уставни измени и тие ќе бидат обезбедувани се до оној момент, додека таа проценка не биде поинаква.Секој кој ќе се обиде да внесе таква несигурност кон граѓаните ќе биде санкциониран“, појасни министерот.
Безбедносни проценки на МВР покажуваат дека постоојат ризици за нарушување на безбедноста на пратениците кои гласале За во петокот поради што полицијата распоредила сили за нивна заштита. Министерот Спасовски вели дека има сомнежи и за организирана структура која стои зад заканите.
Сите пратеници кои во петокот гласаа За се под полициска заштита, вели министерот Спасовски и тврди дека дел од нив покрај на социјални мрежи добивале и директни закани. Има сомнежи и дека организирана група стои зад серијата закани.
Досега двајца се осомничени дека преку социјалните мрежи упатувале серизони закани кон пратеници кои гласаа за отварање на уставот за амандмани по него. Спасовски го повика и јавното обвинителство да ги испита наводите на опозицијата за поткуп на пратеници, за кои смета дека се невистинити.
