Се пејат македонски песни, се испраќаат македонски национални пораки. Огромен број на граѓани сплотени. Ваква е атмосферата на СЦ „Борис Трајковски“ каде свој конгрес одржува Унијата на жени на ВМРО-ДПМНЕ.
Владее оптимизам и еуфорија. Лидерот на ВМРО-ДПМНЕ, Никола Груевски кој е присутен на Конгресот беше дочекан со овации и аплаузи.
Салата е преполна, а атмосферата загреана од настапите на Владо Јаневски и Сашо Гигов-Гиш кои пееја македонски песни со одлични пораки.
На само 50 метри од овој настан, сосема поинаква слика. Во хотелот Александар Палас настан одржува СДСМ. Таму владее раздор, расправии. Видлива е разочараноста кај членовите на партијата и несогласувањата околу изборните листи.
Поради видливата негативна атмосфера, СДСМ дури и го презакажа својот настан.
И во дочекот на партискиот лидер, огромна разлика на настаните. Заев беше дочекан со низа критики за листите, од страна на незадоволните сопартијци.
