Директорот на Клиничкиот центар во Крагуевац, д-р Предраг Саздановиќ, за РТС вели дека епидемијата полека се шири насекаде во Србија.
Тој исто така посочува дека е многу песимист и дека „мора да бидеме паметни денеска за да не се грижиме утре“. Тој исто така објасни како ќе се развива ситуацијата ако „не размислиме за тоа“.
– Замислете една ситуација дека денеска е 15 ноември и дека Србија ги руши сите дневни рекорди во бројот на новозаболени и дека треба да ја славите вашата слава, да речеме Аранѓеловдан, и вие немате кому да се јавите, бидејќи сите што ги познавате или се заразени или се на интензивна нега, рече Саздановиќ.
Тој истакна дека ја наведува оваа апокалиптична верзија, бидејќи може да се случи за 15-20 дена.
– Ако денес не сме паметни, ако денес не носиме маски, не внимаваме и избегнуваме нелегални собири, не држиме дистанца и не миеме раце, тогаш ќе се случи да немаме кого да повикаме на нашите прослави, бидејќи ќе има масовна инфекција и ќе има многу заболени, рече директорот на Клиничкиот центар во Крагуевац.
Тој изјави дека бројот на пациенти во Крагуевац е загрижувачки бидејќи само вчера имале на 220 прегледи, исто како во јули кога ситуацијата била многу тешка.
– Се плашам дека за неколку дена повторно ќе влеземе во ритам што ќе не доведе во иста ситуација како во јули. Тогаш реков дека ни се закануваат шпански и италијански сценарија, сега веќе не е, сега е европско сценарио, бидејќи секаде е страшно, додаде Саздановиќ.
