Пејачката Лепа Брена и нејзиниот сопруг Боба Живојиновиќ на 7-ми декември ќе прослават 25 години од брак.
Сребрената свадба ќе се одржи на Тајланд и на ова задоволство ќе потрошат околу 30.000 евра. Оваа дестинација ја избраа бидејќи таму престојуваат секоја зима, а со нив овој пат ќе ги поведат пријателите, како и синовите. Сепак не се знае дали ќе присуствува Филип бидејќи тој тогаш ќе ги прави финалните подготовки за свршувачката со Александра Пријовиќ, закажана исто така за декември.
“Сребрената свадба не е мала работа и тоа ќе го одбележиме на егзотично место. Сакам да бидеме релаксирани и да уживаме во тоа што сме заедно. Јас сум мајка што постојано работи и децата секогаш ми недостасуваат. Во животот имам две љубови – публиката и децата“, изјави Брена.
Боба и Брена се венчаа во 1991 година во хотелот Интерконтинентал со 500 гости, меѓу кои кремот на јавниот живот во Србија.