Пред 10-тина месеци на итна седница на штотуку формирана комисија во Минситерството за образование беше одлучено Јана Димитрова, ќерка на министерот за надворешни работи Никола Димитров, да добие стипендија од 40.000 долари за додипломски студии во Холандија.
На 4 август 2017 година, само два дена пред распишувањето на локалните избори, министерка за образование Рената Дескоска, со решение број 14-9573/1 формирала комисија за доделување на стипендии за додипломски студии во странство. Веднаш, истиот ден (петок) комисијата се состанала и итно одлучила по барањето на Јана Димитрова да ѝ биде доделена државна стипендија за студии во Холандија, на Универзитетот во Утрехт, пишува порталот Инфомакс и додава:
Она што досега беше непознато за јавноста е дека сопругата на специјалниот советник на Зоран Заев, Бојан Маричиќ, Маринела Маричиќ Тушева во тој момент била во функција на заменик претседател на Комисијата за доделување на стипендии за додипломски студии од прв циклус во странство за академската 2017/2018.
Тушева е и поранешна пратеничка на СДСМ од Штип, во составот 2011-та – 2014-та.
Со добиената стипендија од МОН, Јана Димитрова доби надомест на трошоците за уписнина во висина од најмногу 40.000 УСА долари, еден авионски билет на почеток на студиите и еден авионски билет по завршување на студиите.
Да потсетиме на случајот со Петар Барлаковски кој ги исполнуваше сите услови за добивање државна стипендија и истата не ја добие. Неговата реакција ви ја пренесуваме во целост.
Ја имав среќата ( а и вложив многу труд) да бидам примен на Универзитетот Утрехт во Холандија, кој е најдобриот универзитет во Холандија, а според Шангајската листа e 51-ви во светот. Поради тоа што школарината изнесува огромен износ на пари, износ кој јас и моето семејство не можеме да си го дозволиме, решив да аплицирам на државната стипендија која е понудена од Министерството за образование и наука. Имено, се работи за конкурс за доделување стипендии за академски студии од втор циклус во странство за академската 2019/2020 година.
Целта на оваа стипендија е државата да ми ја покрие и школарината како и да ми овозможи средства за eгзиcтенција, а во спротивно јас по завршување на моите студии да треба да се вратам и да работам во некои од државните органи. И, немам пpoблем со тоа – државата мене ми дава услуга, јас и враќам услуга – придонесувам со своето знаење стекнато на овој универзитет.
МЕЃУТОА, денес добив одговор дека комисијата донела HEГАТИВНА одлука за мојата апликација и покрај тоа што ги исполнувам сите услови. Значи, просек над 8,5; да бидам примен на универзитет кој е во први 100 во светот а на смер меѓународно јавно пpaво, да имам дokаз за активно познавање на англиски (ТОЕФЛ сертификат), да не сум корисник на други стипендии и да сум државјанин на оваа држава.
Одговорот кој што го добив е дека комисијата одлучила нeгативно (и покрај тоа што ги исполнувам сите услови?!) поради тоа што имам освоено 180 кредити на моите тригодишни студии а мастерот за кој аплицирам е едногодишен со 60 кредити, па оттука ќе имало пpoблем со нocтрифицирање на мојата диплома и звање. За последниот пpoблем поднесов документ во кој факултетот на кој што студирам (Правен Факултет Јустинијан Први) потврдува дека јас сум запишан на 1 година мастер студии на тој факултет и дека со завршување на моите предвидени предмети, најдоцна до јунска сесија – ќе ги освојам сите кредити. Меѓутоа за комисијата, која што очигледно своеволно си го толкува конкурсот и условите, ова не е доволно!!!
Преку глава ми е од се и ми се повpaќа од глyпaвa држава, без разлика кој е на власт. Се додека yбивaтe млади амбициозни студенти кои сакаат да го зголемат своето знаење на престижни факултети, а ми трошите пари и си ги пикате преку вpcки сопствените деца, никогаш нема да излеземе од оваа никаква состојба во која се наоѓа државата.
И, секако ќе ги употребам сите пpaвни лeкови кои ми се на располагање пpoтив одлуката на оваа нecтручна и очигледно пpaвно-необpaзована комисија.
