Претседателот на Србија Александар Вучиќ денес изјави дека српските надлежни органи имале докази за тоа дека против Србија е извршено разузнавачко делување од страна на Македонските служби, а поттикнати и инструирани од некои надворешни сили, кои не се од Русија
– Нашите надлежни органи востановија и ни презентираа докази и сознанија за силно офанзивно делување против органи и институции на Србија – рекол претседателот на Србија Александар Вучиќ.
Наведува дека за ваквата одлука имало неколку причини, но дека „надлежните органи“ востановиле и докажале такво делување против Србија.
Тој не сакаше да изнесува детали, но и истакна дека Србија сака да има добри односи со Македонија, но и дека мора да се припреми и прилагоди на новите околности.
– Нашите луѓе ќе бидат спремни. Ќе има некои промени во составот на нашите вработени и за да го заштитиме нашето пријателство со Македонците, но и за да знаеме како да се однесуваме во новото опкружување кое нам не ни беше познато до пред неколку месеци – рекол Вучиќ.
Тој укажал и на тоа дека има мешање на некои други сили, кои најверојатно ја инструирале и координирале разузнавачката активност против Србија од Македонија, но и потсетува дека тоа не е Русија.
– Има мешање на некои други сили. Наше е да умееме да одговориме и да умееме да го заштитиме нашето делување од влијанието на надворешни фактори, рекол Вучиќ. На прашање дали таа надворешна сила е Русија, тој одговорил дека тоа не му паднало на памет.
