Иницијативата #Бојкотирам на Твитер директно го обвини министерот за надворешни работи за немање храброст да каже што ќе се менува во преамбулата на Уставот и кој ќе биде новиот текст.
Реакцијата на #Бојкотирам доаѓа по обвинувањата на Димитров дека сите оние кои ќе бојкотираат се неодговорни, а дека движењето е мала група на маргиналци. Според неофицијални информации се претпоставува дека од преамбулата на Уставот ќе отстрани илинденскиот и асномскиот карактер на државата односно ќе се изгуби историскиот континуитет на македонската држава со Илинден и АСНОМ. Бојкотирам за крај му порача на Димитров:
-Нас со власт и сребро не можете да не купите. Наш е непокорот, наша е славата. Ваше е предавството, прикриено од неспособност да го одбраните името Македонско и Уставот на Република Македонија.