Роберт Билбилов кој во моментов е во Тел Авив вчера во друштво на домашниот евровизиски тим го прослави својот роденден. Тамара Тодевска заедно со авторите на „Proud„ на композиторот му приредија вистинско изненадување и му подарија уникатна торта и на тој начин го одбележаа овој голем ден за него.
Инаку, Македонија настапува во вторник, на 14 мај, а според прогнозите на многумина, нашата земја конечно ја има вистинската песна за влез во финале и висок пласман.
На евровизиската сцена Тамара ќе се појави облечена во зелен смаргарден фустан кој што е креација на Александар Ношпал, а за шминката и косата ќе биде задолжен Арманд Рамадани.
Покрај Билбилов, автори на евровизискиот овогодинешен рефрен се и Дарко Димитров и Лазар Цветковски, а текстот е дело на Коста Петров и неговата сопруга.
