Таравари нема намера да му се извини на Заев за изјавата дека премиерот нудел пари на пратеничка од Алијанса за да премине во власта

Поврзано

- Advertisement -
- Advertisement -

Гостиварскиот градоначалник и генерален секретар на политичката партија Алијанса за Албанците, Арбен Таравари нема намера да му се извини на премиерот Зоран Заев, по изјавата во која кажа дека нудел пари на пратеничка за да ја придобие при формирање на парламентарно мнозинство.

Таравари тврди дека ја зборувал вистината и оти обајцата знаат што се случило, напомена во одговорот на новинарско прашање, денеска во Гостивар.

– Тој знае дека и јас знам. Ако ги решил другите проблеми и покрупни прашања, слободно нека ме тужи, тука сум. Меѓутоа ќе дојде времето кога за оваа работа ќе се прозбори јавно. Бидејќи сме во хибриден режим и не сакам да вовлекувам нашите пратеници во непријатна ситуација, оваа приказна и таа тема ќе ја завршам тука. Јасно е што е направено, изјави Арбен Таравари, генерален секретар на Алијанса за Албанците.

Таравари неодамна во телевизиско интервју обвини дека низ земјава се шетало со куфери полни пари и оти пратеничка од редовите на Алијанса за Албанците добила понуда од пријатели на премиерот да премине од опозиција во владејачкото мнозинство. По ова следеше демант од премиерот Заев и најава за тужба доколку Таравари не се извини за кажаното.

Гостиварскиот градоначалник десет денови пред состанокот на Европскиот совет е песимист за добивање датум за преговори со ЕУ.

– Го чекаме 14 декември, бидејќи имаше ветувања за евроинтеграции. Јас и Алијанса посакуваме датум, но според сигналите што ги добиваме од Бугарија, тоа е невозможна мисија и не верувам дека тоа ќе се случи. Времето е кратко, а позитивен сигнал може да добиеме по формирањето на новата влада во Бугарија, подвлече Таравари.

За потсетување, Аребен Таравари во готување во телевизиска емисија откри дека власта се шетала со куфери со пари во обид да купи пратеници. Според изјавата на Таравари, лично Заев и нудел паричен наддомест на пратеничка од Алтернатива за да премине во власта.

Од кабинетот на премиерот ја демантираа изјавата и побараа извинување од Таравари.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This