ТВИТЕРЏИИТЕ РАСПАЛИЈА ПО ШИЛЕГОВ: Со дрон ќе бараат загадување, кое го има насекаде околу нас

- Advertisement -

Градот Скопје викендов го почна 3Д мапирањето на критичните точки за загадувањето на воздухот во градот со беспилотно летало. Како прва локација беше избрана депонијата „Вардариште“, а мапирањето ќе продолжи и на други локации. Оваа активност е само една од мерките кои Градот Скопје ги презема за намалување на загадувањето на воздухот во Скопје.

Додека Шилегов со дрон бара загадување во Скопје, твитерџиите со фотографии од запалено ѓубре и преполни контејнери и канти за ѓубре самите му ги посочија изворите на загадување кои се евидентни. Очигледно граѓаните сметаат дека проблемот е токму во градоначалникот Петре Шилегов и неажурноста на локалната самоуправа која не прави ни приближно доволно за да го исчисти градот.