Официјалнот профил на американскиот претседател Доналд Трамп е трајно избришан од социјалната мрежа „Твитер“, пренесуваат американските медиуми, додавајќи дека позади оваа одлука на компанијата е „стравување од повторно предизвикување на нереди и насилство“.
Профилот на американскиот претседател беше првично цензуриран на 12 часа на 6.јануари поради „прекршување на политиките на компаниајта“. Блокирањето следеше откако Трамп го осуди неговиот потпретседател Мајк Пенс.
„По детално разгледување на неодамнешните објави на налогот @realDonaldTrump и контекстот на објавите, трајно го суспендиравме овој профил поради ризик од дополнително предизвикување на насилство“, велат од компанијата во твит.
Ова е втор пат во една недела Твитер да го цензурира претседателот на САД. Претходно од компанијата избришаа три објави на Трамп.
