Значителен број германски жители, од кои многумина се државјани на Германија, отпатуваа во Сирија и Ирак и станаа дел од разни терористички организации во последните неколку години, при што многумина од нив сега се враќаат назад. Политичарите веруваат дека тие можат да претставуваат закана за германските граѓани.
Германскиот медиум Функе објави на 20 мај дека Берлин е свесен за повеќе од 1.000 германски жители, кои заминале за Сирија и Ирак, откако започба војната пред неколку години, со цел да дадат поддршка за различните терористички групи. Повеќе од половина од нив имаат германско државјанство. 243 од нив ја напуштија Германија за поддршка на Курдистанската работничка партија (ПКК, која се смета за терористичка група во Германија) и Партијата на курдската Демократска унија (ПИД) во нивната борба против Даеш *. Според извештајот на медиумите, владата ги откри бројките додека министрите одговараа на прашања од парламентарните претставници.
Бројот на оние кои ја напуштија Германија за да се борат со терористички групи се уште расте, но побавно од пред 2-3 години, рече германската влада. Некои од нив почнуваат да се враќаат во Германија.
Владата, исто така, откри дека, во согласност со коалиционите договори помеѓу ЦДУ / ЦСУ и СПД-, ќе се развие механизам со кој на оние државјани што се враќаат од Сирија и Ирак и биле дел од терористички организации ќе им се одземе германско државјанство, доколку се најдат докази за поврзаност со терористите
Пратеничката дел од левицата Ула Јелке ја критикуваше иницијативата како “неуставна” и потсети дека тоа би можело да влијае на оние кои се бореа заедно со Курдите против Даеш *. Претставникот на СПД, Ули Греч, исто така, ја критикуваше идејата како неефикасна, велејќи дека е потребно обвинителство и де-радикализација да го решат проблемот со домашниот тероризам. Во исто време, експертот за внатрешни работи на партијата ЦДУ забележа дека мерката ќе им овозможи на властите да ги спречат потенцијалните џихадистички терористи пред да стигнат до германската граница.
