Претпладнево на патот Кавадарци-Прилеп, во близина на поранешната кафеана „Ловец“ се случила тешка сообраќајна несреќа помеѓу патнички автомобил Мерцедес, со скопски регистарски таблици на такси компанија и камион „Волво“.
На местото на несреќата интервенирала и кавадаречката противпожарна единица во извлекување од возилата на повредените.
Дознаваме дека едно лице од мерцедесот им подлегнало на поврдите.
„Успеавме експресно да интервенираме и да ги извлечиме повредените“ рече командирот на противпожарната единица Кавадарци, Илчо Богевски. Тој нагласи дека благодарение на новите ножици што ги доби противпожарната единица многу им е олеснета работата, а истовремено побрзо е дејствувањето за да им се помогне на повредени во сообраќајни несреќи – пренесува локалната телевизија КТВ.
Во моментов се врши увид на местото на несреќата, а повредените се пренесени во кавадаречката болница.
