Оружје произведено во босанската фабрика БНТ-ТМиХ, кое е продадено во Саудиска Арабија, завршило во рацете на екстремистите на ИСИС и Ал Каеда кои се бореа против сирискиот претседател Башар ал Асад, пишува британски „Индепендент“. Станува збор, како што се наведува, за 500 минофрлачи од оваа фабрика.
Новинарот на „Индепендент“ Роберт Фиск пишува дека во подрумот на бомбардирано складиште на Ал Каеда во источнио дел на Алепо минатата година се пронајдени документи за вооружувањето од фабриката за минофрлачи во Босна – со потпис на некогашниот директор на контрола на вооружување во фабриката БНТ-ТМиХ во Нов Травник Ифета Крњиќ.
Документите стигнале со пратка од 500 минофрлачи со калибар 120мм во јануари 2016. година. Фиск го пронашол Крњиќ во Нов Травник, кој вели дека компанијата испраќала оружје за Саудиска Арабија.
„Тоа е мојот потпис! Да тоа сум јас! Тоа е гаранција за минофрлачите 120мм – тоа е НАТО стандард“, рекол Крњиќ.
Тој наведува дека испораката отишла за Саудиска Арабија.
„Тоа беше дел од испораката на 500 минофрлачи. Се сеќавам добро на испоракти за саудијците. Тие доаѓаа во нашата фабрика во инспекција на вооружувањето на почетокот на 2016. година“, рекол Крњиќ.
Тој тврди дека таквите продажби се стриктно во склад со правните сертификати за крајниот корисник кои неговата фабрика ги добила од сите купци, навдувајќи дека тоа оружје ќе се користи единствено од вооружените сили на државата која ги порачува.
„Кога Саудијците дојдоа во нашата фабрика на инспекција на почетокот на 2016. година, беше и саудискиот министер и официјални претставници кои дојдоа во инспеција на оружјето пред испорака. Сите наши производи по војната, е под контрола на Американците и НАТО кои постојано доаѓаат тука…и тие знаат каде од фабриката излегува секое парче наше оружје“, рекол
