Од ден во ден, Македонија како општество тоне во безредие, неморал, душевна мизерија, хаос и искривени вредности. Последен случај на вакво однесување е и сатанистичкиот обред кој се случил во скопско Драчево, каде црквата Св.Спас била исцртана со сатанистички симболи, а била убиена и мачка како крвна жртва
„По обредното убиство -парчосување на мачка над сатанистички симболи на улица во Драчево, се по сериозни стануваат индициите дека припадници на секта дејствуваат во Скопје.
Граѓани не информираат за испишани сатанистички симболи низ населбата Драчево, Центар, Аеродром, Кисела Вода а ни ги доставија и овие фотографии на сквернавена црква и во овој случај со пентаграм и сатанистички обележја.
Фотографиите се од 22.09.2018 – црквата е потоа окречена од страна на свештениците Отец Оливер и Отец Ивица.
Посочуваме – за масакрирање и дословно распорување на животно на 2 дела, негово сместување во рамки на пентаграм, окултистички симболи и латински текст „слава му на сатаната (аd majorem sathanas gloriam ) “ и „врати на пеколот, отворете се (zazas, zazas, nasatanada zazas) потребна е умоболност, психопатија и уживање во болка и насилство, што за нас претставува показател за опасност по сите .
Овие фотографии ги доставуваме во МВР, АХВ, општина Кисела Вода и Град Скопје и бараме итно да се спроведат најтемелни истраги, фати сторителот затоа што речиси сме сигурни дека неговото крваво дејствување нема да запре тука.
Воедно сметаме дека е невозможно да во околината на сквернавената црква нема камери – ние речиси сме убедени дека сторителот на двете дела е ист!“ – пишуваат од Анима Мунди на својот ФБ профил.
Вакви обреди се забележани и во скопска Кисела Вода, Аеродром, Центар, Карпош…
