ТОНИ МИХАЈЛОВСКИ: На улиците се случува народ кој има мислење и чувство на сакање на сопствената земја

- Advertisement -

Актерот Тони Михајловски во вечерашното гостување во емисијата „Ѕид“ на Алфа телевизија истакна дека она што изминатиот месец се случува во Македонија е народ, народ кој има свое мислење.

-Се случува народ. Не велам дека другите не се дел од народот и тие имаат свое мислење, но се разликува од мислењето на повеќето. Македонскиот народ е освестен, има повеќе информации, се разбуди едно чувство на државност, припадност, сакање на сопствената земја. Патриотизмот е нешто исконско и тоа работи кај македонскиот народ и ќе ескалира повеќе при поголем напад на државата, вели Михајловски коментирајќи ги протестите на граѓанската иницијатива „За заедничка Македонија“.