Низ улиците на Истанбул, па дури и на истанбулскиот аеродром можат да се забележат мажи со завои на главите. Можеби изгледа чудно но тоа е поради турските медицински центри кои вршат трансплантација на коса со врвен квалитет.
Во Турција доаѓаат луѓе од Европа, Блискиот Исток, Арапските земји за трансплантација на коса. Покрај квалитетот, Турција нуди и достапни цени поради што е трето рангина во светот во ова поле.
Цената на трансплантација се движи помеѓу 2000 и 4000 долари. Во земјата се вршат околу 1500 трансплантации дневно.
При трансплантацијата најчесто се користат две техники, Трансплантација на фоликулите (ФУТ) и Екстракција на фоликулите (ФУЕ).
Во Турција најчесто се користи втората, каде од главата на донорот се отстранува секое влакно посебно со алатка за кубење.
Предност на оваа техника е што се избегнуваат лузни.
Поради зголемената побарувачка на зафатот во последно време се појавуваат и нелегални центри за трансплантација, поради што властите предупредуваат потенцијалните клиенти да бидат многу внимателни при изборот на центарот за трансплантација.
Инаку постапката е брза и едноставна, а од пациените се бара најмалку 24ч после зафатот да не ја мијат косата. Првото миење го прават стручни лица во центрите по што клиентите добиваат упатство за понатамошна нега.
