Американскиот претседател Доналд Трамп започнал борба против демократите преку постер на Инстаграм, кој бил инспириран од мегапопуларната серија “Game of Thornes”, а на кој пишува “The Wall is Coming”. Овој пат репликата ја искористил по повод ѕидот на границата со Мексико.
Трамп вчера на Инстаграм ја споделил својата фотографија со натпис “Ѕидот доаѓа”, што алудира на популарниот слоган “Доаѓа зимата” од серијата “Игра на тронови”.
Како што се гледа на фотографијата, претседателот го користел истиот фонт на буквите како и креаторите на оваа серија.
Трамп во ноември имал слична објава, кога на Твитер покрај својата фотографија објавил натпис “Доаѓаат санкции”, што бил упатено кон Иран.
Техеран не бил воодушевен од тој потег на Трамп, па генералот Квасем Солеимани одговорил во исто стил со зборовите “Ќе стојам против тебе”.
— Donald J. Trump (@realDonaldTrump) November 2, 2018
