Американскиот претседател, Доналд Трамп, се состана со финскиот колега Саули Нинисте утрово во претседателската резиденција во главниот град, Хелсинки.
Денеска во Хелсинки треба да се одржи состанокот меѓу Трамп и рускиот претседател, Владимир Путин.
Финската државна телевизија YLE објави дека Трамп ја пофалил Финска и ја нарекол прекрасна земја, притоа заблагодарувајќи му се на претседателот Нинисте за организацијата на средбата и топлото добредојде.
Се вели дека за време на разговорите Трамп, исто така, го пофалил минатонеделниот самит на НАТО во Брисел и оценил дека Алијансата никогаш не била посилна.
Пред почетокот на средбата сопругата на Трамп, Меланија, доби цвеќиња од Нинисте и неговата сопруга Џени Хаукио.
Американскиот државен секретар, Мајк Помпео, е исто така во Хелсинки, а на својот твитер-профил напиша дека е подготвен да се состане со рускиот министер за надворешни работи, Сергеј Лавров.
