Трамп наскоро со сопствена платформа на социјалните мрежи

- Advertisement -

Поранешниот американски претседател Доналд Трамп подготвува нова платформа за социјални мрежи која ќе биде готова за два до три месеци, изјави Џејсон Милер, портпарол на изборниот штаб на Трамп на последните избори.

На поранешниот претседател му беше забранет пристап до повеќето платформи за социјални мрежи како што се Фејсбук и Твитер, откако тој, наводно, го поттикнал бунтот на 6 јануари во американскиот Капитол, во кој беа убиени пет лица.

За време на посетата на „Медиумската база“ на „Фокс њуз“ во неделата, Милер рече дека поранешниот претседател ќе се врати во социјалните мрежи за два-три месеци со своја платформа со цел целосно да ја редефинира играта, пренесува Инсајдер.