Веста за смртта на Коби Брајант ја потресе планетата. Водечките светски медиуми го држат трагичниот настан на врвот на своите насловни страници со натпис „breaking news“ и „live update“ и постојано го освежуваат со информации за детали од САД.
Социјалните мрежи се веќе преплавени со емоции за еден од најголемите личности во поновата историја на кошаркарскиот спорт. Во изразувањето на сочувства, покрај колеги на Брајант, се придружија и политичарите кои со неверување ја примија веста за хеликоптерската несреќа во Калифорнија. Меѓу нив и претседателот на САД, Доналд Трамп.
„Медиумите известуват за смрт на големиот кошаркар Коби Брајант и уште три други лица во хеликоптерска несреќа во Калифорнија. Ужасна вест“, напиша Трамп на Твитер.
Reports are that basketball great Kobe Bryant and three others have been killed in a helicopter crash in California. That is terrible news!
— Donald J. Trump (@realDonaldTrump) January 26, 2020
