За помалку од еден час откако ја предупреди Москва за ракетен напад во Сирија, американскиот претседател Доналд Трамп понуди да помогне во зајакнување на руската економија и повика на прекин на „трката во вооружување“, пренесува Ројтерс и оценува дека се работи за дипломатски пресврт
Трамп, истовремено, напиша на својот Твитер профил дека односот на САД со Русија е полош од бил кога досега, дури и во споредба со периодот на Студената војна.
„Нема причина за тоа. Потребни сме и на Русија за да и помогнеме со нејзината економија, нешто такво би било лесно да се направи, а ни треба државите заедно да работат. Да ја запреме трката во вооружување?“, наведе Трамп.
Our relationship with Russia is worse now than it has ever been, and that includes the Cold War. There is no reason for this. Russia needs us to help with their economy, something that would be very easy to do, and we need all nations to work together. Stop the arms race?
— Donald J. Trump (@realDonaldTrump) April 11, 2018
Портпаролката на Министерството за надворешни работи на Русија Марија Захарова го прокоментира твитот на Трамп – „Одлична идеја. Почнете со уништувањето на хемиското оружје. Американското“.