Спортските натпревари сѐ уште ќе се одвиваат без присуство на публика и на отворено и на затворено. Протоколот за јавни настани не ги опфаќа спортските настани, се вели во соопштението од Владата.
Според новите препораки, настаните на отворено треба да се организираа со 50% од капацитетот и максимум 1 000 посетители, а настаните на затворено да се организираат со 30 проценти од капацитетот на местото каде што се одржува настанот и ограничен број на посетители до максимум 1 000 посетители. Задолжителна дезинфекција на раце на влез на сите посетители и сите членови на тимовите задолжени за организација за целото времетраење на настанот, како и засилени сaнитарно-хигиенски мерки, редовно и зачестено одржување на хигиената на тоалетите со задолжително водење на евиденција за спроведеното чистење со употреба на средство за дeзинфекција кое делува на вируcи според упатство од производителот, алтернативно може да се користи 0,05 проценти натриум хипохлорит (5 проценти белило за домаќинство кое се користи во размер 1:100) за подот или 70 проценти алkохол за дезинфекција за горните површини.
